لن تصدق من تقصد!.. ياسمين عز توجه رسالة غامضة إلى امرأة مجهولة: "دعسوقة وخرابة بيوت"

فجرت الإعلامية المصرية ياسمين عز جدلا واسعا بعدما نشرت رسالة غامضة عبر حسابها في تطبيق إنستجرام.

وفي التفاصيل، كتبت ياسمين عز: "ويحك يا دعسوقة كرامة ايه يا ام كرامة بلاستيك أطرافها مطاط، تمط وتنكمش حسب المصلحة والظروف المحيطة،مدام بليز كرامتك وقعت منك آخر مرة هناك،ابعتي عبد (مظلوم) من عندك يجيبها قبل ما تسيح فالشمس، واحكيلنا بالمرة ((قواعد بيات المراة الاربعون برة بيت الزوج من غير اذنه )) سلينا كدة في الاجازة لانك بقيتي مملة وشطبتي محتوي»".

وتابعت ياسمين عز قائلة: "حتي في تلقيحك مملة، زيرو محتوي زيرو أنوثة، بس الامانة استرجال ليقل الوحش دة انا مش بس ادوس عالفساتين الماركات دة انا ادوس علي اي حد علشان خاطرالفرعون الصغير الكبير ،،بعمل دة فالحياة العادية وبقوله فالعلن، انما بقي لما يكون في خرابة بيوت بتبوس الجزم فالسر وتعمل فيلم(مظلوم) وتطلع فالعلن تحكيلنا مأساة المرأة الاغريقية، كدة انتي محتاجة علاج يا مدام روحي اتعالجي يا مدام".

وبينت: "في تشوهات نفسية وشياط وغيرة ويأس بدأ يتجلي ويتفشي ويترعرع في الإنحاء، وبلاش نشغل اسطوانة المراة الحديدية، علشان المرأة نفسها لو عرفت انتي ايه هيجيلها صدمة دماغية حضارية، بقولك يا خرابة البيوت العمرانة جربي حطي اسمي تاني في تلميحات او تلقيحات علشان هنتفرج كلنا وقتها انا هدوس علي ايه تاني غير الماركات، واهو بالمرة نحكي الحكايات، سلي الناس فالاجازات".

وقد أثارت رسالة ياسمين عز تكهنات متابعيها أن الرسالة موجهة لإعلامية مشهورة، في إشارة إلى رضوى الشربيني.